• Historiku
• Ekipa
• Programet
• Financat

• 2009
• 2008
• 2007
• 2006
• 2005

• Fotografi
• Artikuj
• Promo

• Publikime
• Shkrime

• Donatorët
• Lidhje

Të mos lejohet që Ferizaj të shndërrohet në deponi ilegale të mbeturinave

INPO sot, organizoi debatin me temë “Funksionimi I ndërmarrjes “Pastërtia” – Roli I komunës së Ferizajt”, me prezencë të menaxherit të ndërmarrjes, Bordit Mbikëqyrës të ndërmarrjes, të inspektoratit komunal, partive politike, OJQ-ve dhe mediave. Ky debat u realizua me qëllim të diskutimit për sfidat dhe pengesat me të cilat përballet kjo ndërmarrje, rolin që komuna duhet të ketë, dhe gjetjen e alternativave të tjera për të ofruar shërbime më kualitative për qytetarët.

Gazmend Bytyci, Drejtor menaxhues i ndërmarrjes “Pastërtia” tha që në këtë ndërmarrje ka pasur një menaxhim shumë të dobët, duke u bërë punësime të stafit në baza politike dhe të nepotizmit. Drejtori Bytyci po ashtu tha që deri më tani ka pasur angazhim të dobët nga ana e komunave pronare të ndërmarrjes përkatësisht komunës së Ferizajt, Shtimes dhe Kaçanikut të cilat ndajnë në mes vete përqindjet e aksioneve.

Kenan Gashi nga OJQ IRP, tha që komuna në bashkëpunim me institucionet e tjera relevante siç është Policia e Kosovës duhet të punojnë në funksionalizimin në praktikë të rregullores komunale për pastërtinë, duke vendosur kështu forma të gjobitjes për qytetarët e papërgjegjshëm.

Ismet Ajvazi, inspektor komunal i Ferizajt, tha që megjithë nivelin jo të mirë të pastërtisë vërehet një përmirësim i nivelit, në krahasim me vitet e kaluara. Ai tha që komuna e kryen obligimin e vet vetëm duke dhënë fletëparaqitje për individë apo kompani të ndryshme dhe duke i proceduar ato në gjykatë por nuk ka kompetenca ligjore për të shqiptuar dënime mandatorë.

Besim Idrizi, ambientalist, tha që komuna duhet të krijoj një deponi të veten ku do t’i hedh mbeturinat. Po ashtu duhet të punohet në gjetjen e fondeve për një investim kapital në reciklimin e mbeturinave.

Nga të gjithë të pranishmit u tha që duhet të punohet më shumë nga të gjitha institucionet por edhe nga shoqëria civile në vetëdijesimin e qytetarëve për rëndësinë e pasjes së një ambienti sa më të pastër dhe në përgjegjësinë e tyre qytetare në ruajtjen e pastërtisë.

Konkluzionet dhe rekomandimet e dala nga debati:

1. Krijimi i sektorit të inspektoratit për mjedisin;
2. Të ndërpriten praktikat e politizimit të ndërmarrjes;
3. Shtimi i kapaciteteve njerëzore në drejtorinë e Inspekcionit;
4. Krijimi i deponisë për hedhjen e mbeturinave dhe reciklimi i tyre në përputhje me standardet e BE-së
5. Raportimi në Kuvendin Komunal nga anëtarët e Bordit Mbikëqyrës për Planet Operative dhe Pasqyrat Financiare të ndërmarrjes;
6. Fushata sensibilizuese nga institucionet qeveritare, shoqëria civile dhe vet ndërmarrja për rregulloren komunale mbi pastërtinë
7. Mbikëqyrja më e madhe e komunës ndaj Bordit dhe Menaxhmentit të ndërmarrjes
8. Grantet  qeveritare që i epen ndërmarrjes, të prezantohen projektet dhe mënyra e shfrytëzimit të tyre në Kuvendin Komunal;
9. Kuvendi Komunal të merret edhe me menaxhimin e mbeturinave më specifike si: mbeturinat industriale me pasoja të rënda për shëndetin dhe ambientin, mbeturinat spitalore që për momentin nuk janë në përgjegjësi të ndërmarrjes;

Publikimet

ProD

© Copyright 2009, INPO. All Rights Reserved.