• Historiku
• Ekipa
• Programet
• Financat

• 2009
• 2008
• 2007
• 2006
• 2005

• Fotografi
• Artikuj
• Promo

• Publikime
• Shkrime

• Donatorët
• Lidhje

Programi i Qeverisë lokale të Ferizajt, dokument jo-serioz!

Organizata INPO, sot i ka dërguar një letër Kryetarit të Komunës z.Bajrush Xhemaili, me vërejte në lidhje me planin qeverisës katër vjeçar të Komunës së Ferizajt, të paraqitur në seancën e fundit të Asamblesë Komunale.

Ndër të tjera në letër thuhet <<< I nderuari z. Xhemaili, me respektin më të madh për ju dhe institucionin që ju përfaqësoni, përmes kësaj shkrese dëshirojmë të adresojmë disa vërejtje tona në lidhje me Programin e Qeverisë Lokale për katër vitet e ardhshme, të paraqitur nga ana juaj në seancën e fundit të Asamblesë Komunale të Ferizajt.

Në radhë të parë, programi nuk respekton një format të caktuar, gjë që nuk krijon përshtypjen e një dokumenti serioz programor dhe strategjik të përcaktimit të politikave të qeverisë lokale për katër vite të qeverisjes. Më tutje, programi ka mungesë metodologjie në kuptimin që nuk përcaktohen qartë objektivat, formën e arritjes së tyre, respektivisht veprimet konkrete në drejtim të përmbushjes së tij. Gjithashtu planit i mungon planifikimi kohor, në këtë aspekt, duhet të vendosen qartazi parametrat që duhen përmbushur çdo vit.

Programi duhet të jetë më i strukturuar në kuptimin e asaj se nuk ka vizion dhe qëllim mirë të definuar. Gjithashtu Programi i paraqitur nuk përcakton nëse objektivat janë në përputhshmëri me planifikimet dhe mundësitë buxhetore, me qëllim të projektimit të aktiviteteve reale kur ekzistojnë predispozitat për t’i përmbushur ato duke u bazuar në kapacitetet njerëzore, profesionale e veçanërisht ato financiare.

Institucionet qeveritare, duhet të kenë vizion dhe objektiva të përcaktuara qartë, si dhe të planifikojnë veprimet që do të ndërmerren çdo vit për të realizuar këto objektiva dhe këtë program në fushat përkatëse.

INPO ofron ndihmën dhe përvojën e vetë, në mënyrën e hartimit të një plani gjithëpërfshirës, profesional dhe adekuat, të qeverisë lokale. Me këtë rast ne propozojmë realizimin e një serie punëtorish për secilën drejtori veç e veç, në të cilat do të merrnin pjesë përfaqësues institucionesh të ndryshme dhe ekspertë të lëmive të caktuara.

Publikimet

ProD

© Copyright 2009, INPO. All Rights Reserved.